“Ардын үг” зөвлөлдөх аян Ерөнхийлөгч Ц.Элбэгдоржийн Иргэдийн оролцоо, эдийн засгийг дэмжих чиглэлээр хийсэн ажил, санаачилга, бодлого, шийдвэрүүдийн чиглэлээр үргэлжиллээ
Монголын медиа корпорацийн “Ардын үг” зөвлөлдөх аян үргэлжилж байна. “Ардын үг” аянаар Монгол Улсын Ерөнхийлөгч Ц.Элбэгдоржийн хоёр бүрэн эрхийн хугацаа буюу өнгөрсөн найман жилд хийсэн ажлыг салбар тус бүрээр сэдэвчлэн хэлэлцүүлж, иргэдээр дүн тавиулж байгаа билээ.
“Ардын үг” зөвлөлдөх аяны тав дахь цуврал өнөөдөр “Чингис” зочид буудлын хурлын танхимд болж Монгол Улсын Ерөнхийлөгч Ц.Элбэгдоржийн Иргэдийн оролцоо, эдийн засгийг дэмжих чиглэлээр хийсэн ажил, санаачилга, бодлого, шийдвэрүүдийг ардын экспертүүдээр хэлэлцүүллээ.
Монгол Улсын Ерөнхийлөгчийн Иргэдийн оролцоо, эдийн засгийн бодлогын зөвлөх Л.Дашдорж үдээс өмнөх хэлэлцүүлгээр уг салбарт хийсэн ажлын дэлгэрэнгүй танилцуулгыг хийсэн бол үдээс хойш Монгол Улсын Ерөнхийлөгч Ц.Элбэгдорж үг хэлж, иргэдийн сонирхсон асуултад хариулсан юм.
“Ардын үг” зөвлөлдөх аян Ерөнхийлөгч Ц.Элбэгдоржийн Иргэдийн оролцоо, эдийн засгийг дэмжих чиглэлээр хийсэн ажил, санаачилга, бодлого, шийдвэрүүдийн чиглэлээр үргэлжиллээ
