Монгол иргэншил, соёл, урлаг, оюун сэтгэлгээний нандин өв уламжлалыг хадгалан хамгаалах, сэргээн дэлгэрүүлэх, баяжуулан хөгжүүлэх, туурвин бүтээх, судлан сурталчлах замаар ард иргэдийг үндэсний соёлоо эрхэмлэн дээдлэх, түүгээрээ бахархах мэдлэг, мэдрэмж, хүмүүжил заншилтай болгож, ард түмнийхээ үндэсний ухамсар, оюуны дархлааг бататгах нь монгол төрийн соёлын бодлогын нэг үндсэн зорилт билээ.
Манай ард түмний арга билгийн шүтэн барилдлагын гүн сэтгэлгээ, аман домог, утга соёл, дуу хөгжим, ёс заншил, бэлгэдэл хүндэтгэлийн нэгдмэл цогцлол болсон монгол оюун соёлын хосгүй сод үзэгдэл-эгшиглэнт хос чавхдаст Морин хуур нь манай үндэсний соёлын маргашгүй өв мөн.
Үндэсний бахархал, үнэт өв баялаг болсон морин хуураа төрийн хамгаалалтад байлгаж, дээдлэн дэлгэрүүлэх олон нийтийн хүсэл эрмэлзэл, үүсгэл санаачлагыг дэмжиж Монгол Улсын Ерөнхийлөгчийн тухай хуулийн 3 дугаар зүйлийн 3 дахь хэсэг, 12 дугаар зүйлийн 12 дахь хэсэг болон 9 дүгээр зүйлийг үндэслэн ЗАРЛИГ БОЛГОХ нь:
1. Морин хуураа дээдлэн залж, сурч эзэмших, морин хуур судлал, урлалыг хөгжүүлэх, гадаад улсад сурталчлах хөдөлгөөн өрнүүлэхийг нийт ард иргэд, айл өрх болон төрийн ба төрийн бус байгууллага, мэргэжлийн урлагийн ажилтан, зүтгэлтэн, ивээн тэтгэгчдэд уриалсугай.
2. Монгол улсынхаа сүр хүч, айл өрх бүрийн түвшин жаргал, хүн бүрийн цог хийморийг бэлгэдэн бадрааж жил бүрийн Цагаан сараар Төрийн их хан хуурын сүлд аялгууг эгшиглүүлэхийн хамт морин хуурын хүндэтгэлийн тоглолтыг радио, телевизээр улс орон даяар нэвтрүүлж байхаар төрийн ёслолын журамд нэмэлт, өөрчлөлт оруулан мөрдөхийг Засгийн газарт чиглэл болгосугай.
МОНГОЛ УЛСЫН | Н.БАГАБАНДИ |
МОНГОЛ УЛСЫН | Н.ЭНХБАЯР |
Хуулбар үнэн: Тамгын газрын | Б.ОЧИРБАТ |
