Монгол ардын уртын дуу бол монгол үндэстний буурал түүх, малчин ахуй, амьдралын гүнээс өөрөө урган гарч, монгол нутгийн байгалийн үзэсгэлэн, монгол хүний уужуу тайван сэтгэлийн зохилдлого, нүүдэлчдийн аж төрөхүй, зан заншлын өвөрмөц уянга болон төгөлдөржиж, цараа тавиун хөг аялгуу, төв эрхэмсэг намба, уран гоё нугалаа, баян чимэг бүхий шуранхай, хөг эгшгийн өвөрмөц онцлогтойн хувьд аливаа ард түмний дуунд үл давтагдах ховор шинж агуулсан ардын дууны урлагийн хосгүй уламжлалт сонгодог өв мөн.
Монгол соёл иргэншлийн онцгой ололт, агуулга, хэлбэр, ая хөг, үг хэллэг, айзам хэм төгөлдөрийн хувьд монгол соёлын өвөрмөц ололт болсон уртын дууны баян өв санг хадгалах, төрийн хамгаалалтад байлгах, дээдлэн дэлгэрүүлэх талаар төрийн болон төрийн бус байгууллага, эрдэмтэд, иргэдээс удаа дараа гаргасан санал, хүсэлтийг дэмжин, Монгол Улсын Үндсэн хуулийн 33 дугаар зүйлийн 1 дэх заалтын 3, Монгол Улсын Ерөнхийлөгчийн тухай хуулийн 9 дүгээр зүйлийн 1, 12 дугаар зүйлийн 12 дахь заалтыг тус тус үндэслэн ЗАРЛИГ буулгах нь:
1.Монгол ардын уртын дууг залуу үед өвлүүлэн эзэмшүүлэх, дуулах эрдэмд сургаж, бүх нийтээр үндэсний бахархлын зэрэглэлээр дээдлэн Дэлгэрүүлж, монгол үндэстэн, монгол хүний нэрийн хуудас, төр ёс, баяр Цэнгэл, хэв заншлын журамт шинж болгох өргөн олны хөдөлгөөн өрнүүлэхийг нийт ард иргэд, аймаг, нийслэлийн төрийн болон төрийн бус байгууллага, соёл Урлагийн ажилтан, зүтгэлтэн, эцэг эх, багш нарт уриалсугай.
2.Уртын дуут сурвалжлан олох, сурган эзэмшүүлэх, судлан шинжлэх, сурталчлан даяаршуулах цогц асуудлыг тусгасан хөтөлбөр боловсруулж хэрэгжүүлэхийг Засгийн газарт чиглэл болгосугай.
МОНГОЛ УЛСЫН | Н.БАГАБАНДИ |
МОНГОЛ УЛСЫН ЕРӨНХИЙ САЙД | Ц.ЭЛБЭГДОРЖ |
| Б.Очирбат |
