“Итгэл-Хавдаргүй Монгол сан” ТББ, БНСУ-ын Конкүкийн Их сургуулийн Эрүүл мэндийн төвтэй хамтран ажиллана
Тэргүүн Хатагтай Х.Болормаагийн санаачилгаар байгуулагдсан “Итгэл-Хавдаргүй Монгол сан” ТББ-ын урилгаар БНСУ-ын Конкүкийн Их сургуулийн Эрүүл мэндийн төвийн удирдлагууд манай оронд ажиллаж байна.
Тус сургуулийн Хөх, бамбайн булчирхайн хорт хавдар судлалын төвийн захирал Нам Сүн Пак, тархины мэс заслын төвийн захирал Чо Жүн нар, Улаанбаатар хотын Хавдар судлалын Үндэсний төвийн эмч нартай уулзаж лекц унших юм.
Мөн, “Итгэл-Хавдаргүй Монгол сан”, Хавдар судлалын Үндэсний төв, Конкүкийн Их сургуулийн Эрүүл мэндийн төвүүдийн хамтран ажиллах санамж бичигт гарын үсэг зурна. Манай улсад хавдраас урьдчилан сэргийлэх талаар бүх нийтийн боловсролыг түгээх, эмэгтэйчүүдийн хавдрыг оношлох эмчлэх чиглэлээр гарч байгаа шинэ ололт амжилтуудыг хуваалцах, орчин үеийн техник тоног төхөөрөмжийн сургалтуудыг зохион байгуулах зэрэг чиглэлээр хамтран ажиллах болно.
“Итгэл-Хавдаргүй Монгол сан” ТББ, БНСУ-ын Конкүкийн Их сургуулийн Эрүүл мэндийн төвтэй хамтран ажиллана
