Эрх зүйн шинэтгэлийн чиглэлээр хамтран ажиллахыг хүслээ
Монгол Улсын Ерөнхийлөгчийн хуулийн бодлогын зөвлөх Г.ГанзоригАНУ-ын Олон улсын хөгжлийн агентлагийн ажилтан Кэйт Ростен, Лиза Макгрегор, шинжээч Ц.Оюунгэрэл нартай 2010 оны 9 дүгээр сарын 6-нд уулзлаа.
Тэд Монгол Улсын төрийн тогтолцоог боловсронгуй болгох, ардчилал, шүүх эрх мэдлийн байгууллагын үйл ажиллагааг дэмжих чиглэлээр тус агентлагаас үзүүлж буй тусламжийг цаашид зөв зохистой, оновчтой болгох талаар судалгаа хийх, санал солилцох зорилгоор ирсэн тухайгаа танилцуулав.
Хуулийн бодлогын зөвлөх Монгол Улсын шүүх эрх мэдлийн байгуулагын өнөөгийн байдал, АНУ-ын Олон улсын хөгжлийн агентлагийн тусламжтай сүүлийн таван жилд хийж хэрэгжүүлсэн “Шүүх эрх мэдлийн стратеги төлөвлөгөө”-ний үр дүн, ач холбогдлын талаар өөрийн санал бодлоо хуваалцаж, Ерөнхийлөгчийн санаачилагаар боловруулсан “Шүүх эрх мэдлийнхүрээнд шинэтгэлийг гүнзгийрүүлэх хөтөлбөр” болон түүнийг хэрэгжүүлэх зорилгоор Тамгын газраас боловсруулж УИХ-д өргөн барьсан, Засгийн газарт санал авахаар хүргүүлсэн хуулийн төслүүдийн талаар товч танилцууллаа. Тухайлбал Ерөнхийлөгчийн бодлого, үйл ажиллагааны хөтөлбөрт тусгагдсан зарим зорилтыг хэрэгжүүлэх зорилгоор, хүний эрх, эрх чөлөөг хамгаалах, шударга ёс тогтоох, авлигыг таслах зогсоох чиглэлээр хуулийн төслүүдийг боловсруулж УИХ-д өргөн барьсан хийгээд Монгол Улсын Үндсэн хуульд заасан хүний эрх, эрх чөлөөг хамгаалах чиглэлээр тууштай бодлого баримталж, хүний амьд явах салшгүй эрхийг хангаж, цаазаар авах ялыг халах хуулийн төслийг боловсруулан Засгийн газраас санал авахаар хүргүүлсэн талаар ярив.
Хуулийн бодлогын зөвлөх Олон улсын хөгжлийн агентлаг болон АНУ-ын хуульч нартай анхаарал татаж буй дараах салбар, чиглэлээр идэвхтэй хамтран ажиллахыг санал болголоо.Тухайлбал, нэгд шүүхийн шинэтгэл, “Шүүх эрх мэдлийн стратеги төлөвлөгөө”-ний үр дүнд дүн шинжилгээ хийн, урт хугацааны шинэ төсөл боловсруулах, хоёрт Монгол Улсад “Шүүх эрх мэдлийн стратеги төлөвлөгөө”, “Эрх зүйн шинэтгэлийн хөтөлбөр” гэсэн төсөл, хөтөлбөр хэрэгжсэн боловч тухайлсан “Эрүүгийн эрх зүйн шинэтгэл” гэсэн төсөл хэрэгжиж байгаагүй тул энэ чиглэлээр шүүх, прокурор, өмгөөлөл, цагдаа, мөрдөн байцаах газар, хорих байгууллагыг хамарсан өргөн хүрээтэй, урт хугацааны төслийг боловсруулж хэрэгжүүлэх шаардлагатай байна гэлээ.
Эрх зүйн шинэтгэлийн чиглэлээр хамтран ажиллахыг хүслээ
