Хамтын ажиллагааг эрчимжүүлэхээр тохиролцлоо
Монгол Улсын Ерөнхийлөгчийн Тамгын газрын дарга Д.Баттулга 9 дүгээр сарын 13-нд ОХУ-аас тус улсад суугаа Онц бөгөөд Бүрэн эрхт элчин сайд В.В.Самойленког хүлээн авч уулзлаа.
Уулзалтын эхэнд өнгөрсөн оны 8 дугаар сард Монголд ОХУ-ын Ерөнхийлөгч Д.А.Медведевийн хийсэн айлчлалын үеэр гарын үсэг зурсан Стратегийн түншлэлийн гэрээ нь хоёр орны найрамдал, хамтын ажиллагаанд чухал ач холбогдолтой үйл явдал болсныг хоёр тал онцлон тэмдэглэв.
Уг айлчлалын үеэр ярьж тохиролцсон зүйлсийг бодит ажил хэрэг болгох талаар авч буй арга хэмжээний тухай харилцан мэдээлэл солилцож, цаашид хамтын ажиллагааг улам эрчимжүүлэх нь зүйтэй гэж тохиролцлоо.
Хамтын ажиллагааг эрчимжүүлэхээр тохиролцлоо
