Монгол улсын Ерөнхийлөгч Ц.Элбэгдорж зарлиг гаргаж , улс эх орондоо ихийг хийж бүтээсэн зарим хүмүүсийг төрийн шагналаар шагналаа.
Барилгын салбарт олон жил үр бүтээлтэй ажиллаж, барилгын салбарт шинэ технологи нэвтрүүлсний нь үнэлж, Хөтөлийн цемент шохойн үйлдвэрийн ерөнхий технологич Тогмидын Цоодолд МУ-ын Аж Үйлдвэрийн гавъяат ажилтан цол, соёл урлагийн салбарт олон жил үр бүтээлтэй ажиллаж, Монгол улсад рок попын урлагийг хөгжүүлж, залуу үеийг урлаг соёлоор хүмүүжүүлэхэд үнэтэй хувь нэмэр оруулсны нь үнэлж Цэрэндоржийн Чулуунбатад МУ-ын Урлагийн гавъяат зүтгэлтэн цол тус тус олголоо.
Сүхбаатарын одонгоор, “Ардын Эрх” сонины хариуцлагатай нарийн бичгийн дарга Гэндэнгийн Бямбажал, Улаанбаатар Цахилгаан Түгээх Сүлжээ ХК-ийн “Баянзүрх” салбарын захирал Маамуугийн Цэрэнбат, Хөдөлмөрийн Гавъяаны Улаан Тугийн одонгоор Монголын Ноос Ноолуурын холбооны дэд ерөнхийлөгч Гомбосүрэнгийн Ёндонсамбуу нарыг тус тус шагналаа.
Мөн энэ өдөр Цэргийн Гавъяаны улаан тугийн одонт 3, Алтан гадас одонт 2, Цэргийн гавъяаны одонт 4 тус тус төрлөө.
“Та бүхний хийсэн бүтээснийг ард түмэн үнэлдэг болсон учраас ийнхүү шагнал эзэндээ очиж байна. Улам ихийг хийж бүтээгээрэй” хэмээн МУ-ын Ерөнхийлөгч Ц.Элбэгдорж шагнал гардуулах үеэрээ хэллээ.
