Сэтгүүлчдэд мэдээлэл өгснийхөө дараа Монгол Улсын Ерөнхийлөгч Ц.Элбэгдорж, ХБНГУ-ын Холбооны Ерөнхийлөгч Иоахим Гаук нар Афганистанд ИСАФ арга хэмжээний хүрээнд хамтран үүрэг гүйцэтгэсэн Монголын Зэвсэгт хүчний дайчид болон Германы Бундесверийн сургагч офицерүүдтэй хамт дурсгалын зураг татуулав.
ХБНГУ-ын Холбооны Ерөнхийлөгч Иоахим Гаук хэвлэлийн бага хурлын үеэр “Хоёр талын улс төрийн харилцаа, нэн ялангуяа энхийг сахиулах үйл ажиллагааг өндөр үнэлж байна. Бодитой жишээ дурдвал Монголын Зэвсэгт хүчний баг Германы Зэвсэгт хүчний багтай хамтран Афганистанд энхийг сахиулах үйл ажиллагаанд мөр зэрэгцэн амжилттай ажиллаж байна” хэмээн Монголын энхийг сахиулагч дайчдыг өндрөөр үнэлсэн билээ.
