Чилийн уурхайд дарагдсан уурхайчдыг аврах ажиллагаа амжилттай эхэлсэнтэй холбогдуулан Монгол Улсын Ерөнхийлөгч Ц.Элбэгдорж Бүгд Найрамдах Чили Улсын Ерөнхийлөгч Эрхэмсэг ноён С.П.Еченике-д баярын цахилгаан илгээлээ. Ерөнхийлөгч цахилгаандаа “ Хүнд нөхцлийг сэтгэл санааны хатаараа даван гарч чадсан баатарлаг уурхайчид, аврах ажиллагааг амжилттай удирдан зохион байгуулсан эрхэмсэг ноён Ерөнхийлөгч Та болон Танай Засгийн газар, найрамдалт Чилийн ард түмний гавьяаг монголын ард түмэн сэтгэл бахдан харж байна. Баатарлаг уурхайчид, тэдний ар гэрийнхэн, аврах багийн хамт олонд эрүүл энх, аврах ажиллагаанд амжилт хүсэн ерөөе” гэжээ.
