Эдийн засгийн хамтын ажиллагаа, хөгжлийн байгууллагын “Төв Ази дахь Хөрөнгө оруулалт ба Өрсөлдөх чадвар – Монгол Улс” сэдэвт төслийн Ажлын хэсгийн анхдугаар уулзалтыг энэ сарын 17-нд Ерөнхийлөгчийн дэргэдэх Иргэний танхимд зохион байгууллаа.
Ажлын хэсгийн уулзалтын зорилго нь Монгол Улсын Бичил, жижиг, дунд үйлдвэрийн санхүүжилтийн одоогийн нөхцөл байдал, тулгамдаж буй асуудалд ЭЗХАХБ (OECD) -ын гишүүн орнуудын туршлагыг ашиглан дүн шинжилгээ хийж, анхны зөвлөмжийг хэлэлцэхэд оршив. Ажлын хэсгийн уулзалтыг Монгол Улсын Ерөнхийлөгчийн Иргэдийн оролцоо, эдийн засгийн зөвлөх Л.Дашдорж ахалсан бөгөөд Засгийн газар, олон улсын байгууллага, бизнесийн холбоод, банк, санхүүгийн төлөөлөл болон Эдийн засгийн хамтын ажиллагаа, хөгжлийн байгууллагын ЕвроАзийн Өрсөлдөх чадварыг дэмжих хөтөлбөрийн төслийн менежер Г.Лекомте, тус төслийн зохицуулагч А.Претет, бодлого шинжээч М.Бианкини нар оролцлоо. Энэхүү төсөл нь Европын Холбооны хамтын санхүүжилттэй юм.
