АТГ-ын даргаар Х.Энхжаргалыг томиллоо
УИХ-ын чуулганы өнөөдрийн хуралдаанаар АТГ-ын даргаар Хүрэлсүхийн Энхжаргалыг томиллоо.
Монгол Улсын Ерөнхийлөгч Авлигын эсрэг хуулийн 21 дүгээр зүйлийн 21.1 дэх хэсэгт заасан бүрэн эрхийнхээ хүрээнд Авлигатай тэмцэх газрын даргаар Хүрэлсүхийн Энхжаргалыг томилуулах саналаа УИХ-д хүргүүлсэн юм. Монгол Улсын Ерөнхийлөгчийн Хүний эрх, хуулийн бодлогын зөвлөх Ч.Өнөрбаяр Х.Энхжаргалын танилцуулгыг чуулганы хуралдаанд хийв.
Х.Энхжаргал нь:
- 1964 онд Улаанбаатар хотод төрсөн.
- 1972-1982 онд Ерөнхий боловсролын сургууль,
- 1982-1987 онд НАХЯамны дэргэдэх Цэргийн дээд сургуулийг хуульч мэргэжлээр
- 1995-1996 онд Төрийн захиргаа удирдлагын хөгжлийн институтыг Төрийн удирдлагын менежерээр тус тус дүүргэсэн.
- Тэрээр Налайх дүүргийн Цагдан сэргийлэх хэлтэст өмчийн төлөөлөгч, ахлах төлөөлөгч, Эрдэнэт хотын Цагдаагийн хэлтэст Эдийн засгийн ахлах төлөөлөгч, Төв аймгийн Цагдаагийн газрын дэд дарга, дарга, Баянзүрх дүүргийн Цагдаагийн хэлтсийн дарга, Замын цагдаагийн газрын даргаар тус тус томилогдон ажилласан.
- Өнөөдрийг хүртэл Цагдаагийн Ерөнхий Газрын Мэдээлэл технологийн төвийн даргаар ажиллаж байв.
АТГ-ын даргаар Х.Энхжаргалыг томиллоо
