Монгол Улсын Ерөнхийлөгчийн зарлигийн дагуу Өвөрхангай аймгийг Хөдөлмөрийн гавъяаны улаан тугийн одонгоор өнөөдөр шагналаа.
Ерөнхийлөгчийн зарлигт “Үндэсний соёл уламжлалыг хадгалан хамгаалах, өвлөн уламжлахад манлайлал үзүүлж, мал аж ахуй, аялал жуулчлалд шинэ санаачилга гарган ажиллаж, Монгол
Улсын нийгэм, эдийн засгийн хөгжилд үнэтэй хувь нэмэр оруулсан, бүтээлч нийгмийг цогцлоохын төлөө мэргэжил, авъяас билэгээ зориулан хөдөлмөрлөсөн тус аймгийн иргэдийн хөдөлмөрийг өндрөөр үнэлж, Өвөрхангай аймгийг Хөдөлмөрийн гавьяаны улаан тугийн одонгоор шагнасугай” хэмээжээ.
Монгол Улсын Ерөнхийлөгчийн Хүний эрх, хуулийн бодлогын зөвлөх Ч.Өнөрбаяр шагнал гардуулж хэлсэн үгэндээ
Унаган нутгийн ард иргэд ээ.
Та бүхэнд Тулгар төрийн 2225, Их Монгол Улсын 810, Ардын хувьсгалын 95, Өвөрхангай аймаг үүсгэн байгуулагдсаны 85 жилийн ойн баярын мэнд хүргэж хамгийн сайн сайхан бүгдийг хүсэн ерөөе.
Өнөөдрөөс эхлэн өврийн сайхан хангай нутгаар овоглосон хүн бүрийн энгэрт Монгол төрийн дээд шагнал болох Хөдөлмөрийн гавьяаны улаан тугийн одон гялалзах боллоо. Монгол Улсын Ерөнхийлөгчөөс соёрхсон энэхүү эрхэм дээд шагнал бол нийт өвөрхангайчуудын эх орондоо бүтээж буй болгосон хөдөлмөр зүтгэлийг үнэлж урамшуулсан хэрэг билээ.
Манай нутгаас Монголдоо төдийгүй дэлхий дахинд нэр алдраа дуурсгасан олон зуун алдартнууд эрдэмтэн мэргэд, чигт шударга төрийн түшээд, хүчит бөхчүүд төрөн гарсныг хэлэхэд таатай байна. Цаашид ч гэсэн гүрэн Монголынхоо алдар сууг дүүрсгах ухаантан мэргэд, сайчууд олон мянгаараа төрөн гарахын өлзийт ерөөлийг тавия. Өврийн сайхан хангайн хүчит бөхчүүдийн мэх уран, хүлэг хурдан, харваачдын цэц мэргэн байг ээ.
Унаган нутгийн зон олон та бүхний минь буян заяа тэгш дүүрэн байж, өндөр төрийн минь Цагаан сүлд Өвөрхангайчуудыг ивээж явах болтугай.
Та бүхэн сайхан наадаарай.
Хуурай хуурай хуурай
