Шууд ардчилалд шилжихэд Швейцарийн туршлага хэрэгтэй байна
Монгол Улсын Ерөнхийлөгч Ц.Элбэгдорж Швейцарийн Холбооны Улсын Элчин сайд Блэйз Годег өнөөдөр хүлээн авч уулзав. Ерөнхийлөгч Ц.Элбэгдорж хоёр орны харилцаа, хамтын ажиллагаа сайн байгааг дурдаад Монголд парламентын төлөөллийн ардчиллаас шууд ардчилалд шилжихэд Швейцарийн туршлага, сургамж, тусламж хэрэгтэйг онцлон тэмдэглэлээ.
“Шийдвэр гаргахад иргэдийн шууд оролцоог хангадаг Швейцарийн туршлагыг эхлээд жишиг сум, аймаг, дүүргүүдийг сонгон, дараа нь улсын хэмжээнд нэвтрүүлэх замаар хоёр шатлалтай хэрэгжүүлэх бодолтой байна. Орон нутаг олон зуун шийдвэр гардаг. Иргэдийн оролцоо, хяналтгүйгээс тэнд авлига, хүнд суртал байсаар байна. Бид иргэний танхимыг шинээр байгуулсан бөгөөд одоо иргэдийн оролцоонд анхаарч байна. Монгол зөвхөн туршлагасудалж, тусламж авдаг бус хамтран ажилладаг орон байх болно” гэж Ерөнхийлөгч хэллээ.
Элчин сайд Ерөнхийлөгчийн саналыг улс орныхоо удирдлагад дамжуулахаа илэрхийлээд Швейцарь улс өөрийн орны шууд ардчиллын туршлагыг хуваалцахад таатай байх болно гэв.
Шууд ардчилалд шилжихэд Швейцарийн туршлага хэрэгтэй байна
