Монгол Улсын Ерөнхийлөгч Ц.Элбэгдорж өнөөдөр Мэргэжлийн сумог тэргүүлж буй Ёкозуна Хакухо Д.Даваажаргалыг хүлээн авч уулзлаа.
Их аварга Хакухо Ерөнхийлөгчийг өндөр хариуцлагатай албанд сонгогдсонд баяр хүргээд, Таныг ард түмний итгэлийг дааж ажиллана гэдэгт итгэлтэй байна гэлээ.
Ерөнхийлөгч Ц.Элбэгдорж, мэргэжлийн сумогийн дэвжээн дээр Монголын нэрийг сүүлийн жилүүдэд тасралтгүй мандуулж байгаа монгол хөвгүүдийн нэг болсон Таны амжилт сэтгэл хөдөлгөсөн, бахархмаар амжилт юм гэлээ. Цаашид улам сайн барилдаж, олон жил босоо аварга байхын ерөөл дэвшүүллээ.
Хакухо Д.Даваажаргал Ерөнхийлөгч Ц.Элбэгдорж нар мэргэжлийн сумод бэлтгэгдэж байгаа монгол залуусын тухай болон бусад чөлөөт сэдвээр яриа өрнүүллээ.
