Ерөнхийлөгч Ц.Элбэгдоржид НҮБ-ын Ган, цөлжилттэй тэмцэх тухай конвенцийн нарийн бичгийн дарга нарын газраас захидал ирүүлэв
Монгол Улсын Ерөнхийлөгч Ц.Элбэгдоржид Нэгдсэн Үндэстний Байгууллагын Цөлжилттэй тэмцэх тухай конвенцийн нарийн бичгийн дарга нарын газрын гүйцэтгэх нарийн бичгийн дарга Лук Гнакадиагаас захидал ирүүллээ.
Захидалд “Монгол Улс дахь уур амьсгалын нөлөө, цөлжилт, газрын доройтолд олон улсын анхаарлыг хандуулахаар Өмнөговь аймгийн Баяндалай сумын Гашууны хоолойд болсон Монгол Улсын Засгийн газар хуралдааны тухай мэдээ авлаа.
Цагаа олсон Таны санаачилгын дагуу болсон энэхүү хуралдаан нь уур амьсгалын шинэ дэглэмийн талаар олон улсын сайн хэлэлцээр байгуулахын төлөөх хүч чармайлтад хувь нэмрээ оруулах нь тодорхой юм. Уур амьсгалын өөрчлөлтөд дасан зохицоход дэм үзүүлэх шаардлагатай арга хэмжээнүүд Монгол Улсад ашиг тусаа өгч, Цөлжилттэй тэмцэх үндэсний хөтөлбөрөө бүрэн хэрэгжүүлнэ гэж найдаж байна.
НҮБ-ын Цөлжилттэй тэмцэх тухай конвенцид нэгдсэн орны хувьд үүргээ биелүүлэхийн төлөө гаргаж буй Монгол Улсын хүч чармайлтыг манай байгууллага бүрэн дэмжиж байгаагаа дахин илэрхийлье” гэжээ.
Ерөнхийлөгч Ц.Элбэгдоржид НҮБ-ын Ган, цөлжилттэй тэмцэх тухай конвенцийн нарийн бичгийн дарга нарын газраас захидал ирүүлэв
