Хүүхдийн эмч нарын хөдөлмөрийг төр үнэллээ
Монгол Улсын Ерөнхийлөгч зарлиг гарган, хүүхдийн анагаахын алба болон хүүхдийн анхны эмнэлэг үүсч хөгжсөний 80 жилийн ойг тохиолдуулан эрүүл мэндийн салбарт олон жил үр бүтээлтэй ажилласан зарим хүнийг төрийн одон, медалиар шагнасан билээ. Уг шагналыг Ерөнхийлөгчийн Тамгын газрын дарга Д.Баттулга өнөөдөр гардуулав.
Тэрээр Эх нялхсын эрдэм шинжилгээний төвийн эрүү нүүрний тасгийн эрхлэгч эмч Гонгоржавын Аянга, тус төвийн хүүхдийн клиникийн их эмч Чойжилын Лхамсүрэн, Намжилын Жаргалсайхан, Бөхөнбайн Ратай нарт Хөдөлмөрийн гавьяаны улаан тугийн одон, хүүхдийн клиникийн их эмч Балсангийн Бямбаа, Дугаржавын Оюунбаатар, Шаравын Чимгээ, Гувираагийн Чимгээ, улсын нэгдсэн эмнэлгийн эрдэм шинжилгээний төвийн сэргээн засах тасгийн эрхлэгч Пүрэвжавын Отгонгэрэл нарт Алтан гадас одон, Эх нялхсын эрдэм шинжилгээний төвийн сувилагч Жамсрангийн Оюунчимэгт Хөдөлмөрийн хүндэт медаль гардуулж, Ерөнхийлөгч, Ерөнхийлөгчийн Тамгын газрын өмнөөс баяр хүргэн, сайн сайхныг хүсэн ерөөлөө.
Хүүхдийн эмч нарын хөдөлмөрийг төр үнэллээ
