Монгол Улсын Ерөнхийлөгчийн илгээлт
Монголын Улаан Загалмайн НийгэмлэгийнXII их хуралд оролцогсдод
Эрхэм Хүмүүнлэг үйлстэнүүд ээ,
Их Хурлын зочид, төлөөлөгчид өө,
Хүмүүнлэгийн үйлсийг эрхэм зорилгоо болгосон Монголын Улаан Загалмайн
нийгэмлэгийн XII их хуралд мянга мянган гишүүдээ төлөөлөн, эх орныхоо өнцөг булан бүрээсхүрэлцэн ирсэн элч төлөөлөгч Та бүхэнд болон Монголын нийт Улаан Загалмайчдад халуун дотно мэндчилгээ дэвшүүлье.
МУЗН нь шударга,энэрэнгүй, төвийг сахих, бие даасан, сайн дурыннэгдмэл, түгээмэл зарчмаа удирдлага болгон хүн арддаа эрүүл мэнд, эмнэлгийн анхны тусламжийн мэдлэг, дадлага олгох,цусны донорын хөдөлгөөнийг өрнүүлэх зэргээр Монгол төрийнхөө хүмүүнлэгийн бодлогыг хэрэгжүүлэх, ард түмнийхээ дотно туслагч байх үүргээ нэр төртэй биелүүлж байгааг онцлон хэлэхэд таатай байна.
МУЗН-ийн үйл ажиллагаа, бүтэц зохион байгуулалтыг олон улсын нийтлэг жишигт хүргэх, тус нийгэмлэгийн цогц өөрчлөлт, шинэчлэлийг бүх талаар дэмжиж, нийгэм, хүний сайн сайхны төлөө үр нөлөөтэй хөтөлбөр, тусламж, үйлчилгээ болон үр ашигтай хамтын ажиллагааг хөгжүүлэхэд байнгын бодитой дэмжлэг туслалцаа үзүүлсээр ирсэн Олон улсын улаан загалмайн байгууллага, үндэсний нийгэмлэгүүд, улс орнуудын Засгийн газар, олон улсын байгууллагууд, Монгол Улсад суугаа Элчин сайдын яамдад гүн талархал дэвшүүлж цаашдын хамтын ажиллагаанд өндөр амжилт хүсэн ерөөе.
Хүмүүнлэгийн үйлс бол зөвхөн Улаан Загалмайн үүрэгт ажил бус Монгол Улсын Үндсэн хуулинд тодорхойлсоноор төр, засгийн байгууллага, иргэний нийгэм, бизнесийн салбар, аж ахуйн нэгж, иргэдийн хамтын хөдөлмөр, зүтгэлбайх ó÷èðòàé билээ.
Ардчиллын үнэт зүйл бэхжиж буй хөгжингүй улс орнуудын төр засгаас Үндэсний нийгэмлэгүүдээ дэмжиж хүмүүнлэгийн аливаа асуудлыг, тухайлбал нийгмийн халамжийг Үндэсний нийгэмлэгтээ хариуцуулж, үр өгөөжийг нь дээшлүүлэн хамтран ажилладаг нийтлэг хэв маягийг бид бүтээлчээр авч хэрэгжүүлэх шаардлагатай байна.
Даяаршлын үйл явц улс хоорондын харилцаа эдийн засаг, шинжлэх ухаан, техникийн бүхий л салбарт өрнөж, дэлхийн хамтын нийгэмлэгийн орнууд, дайн энхийн асуудал, хүрээлэн буй орчныг хамгаалах, нийтийг хамарсан гоц болон аюулт халдварт өвчнөөс сэргийлэх, байгалийн гамшиг, гэмт хэрэг, терроризм, хүний эрхийн зөрчлийг арилгахад нэгдсэн чармайлт гаргах болсон зэрэг нь Монгол Улсын Үндэсний аюулгүй байдлыг хангах, батлан хамгаалах зорилго, зорилтуудыг хэрэгжүүлэхэд харгалзан үзвэл зохих хүчин зүйл болж байна.
ÌÓÇÍ-ээс íийт хүн ард, түүний дотор хүүхэд залуучуудад õ¿ì¿¿íëýã, энэрэнгүй ¿çëèéã òºëºâø¿¿ëýõýä îíöãîé àíõààð÷, гамшиг, àþóëò õàëäâàðò ºâ÷èí, терроризм, болзошгүй зэвсэгт мөргөлдөөнөөс сэргийлэх, тийм нөхцөл байдал үүссэн үед хүмүүнлэгийн үйл ажиллагааг хэрэгжүүлэх дадлага чадвар олгох, сэтгэл зүйн бэлтгэлийг хангах, сайн санааны цусны донорын хөдөлгөөн өрнүүлэх, доноруудыг урамшуулах, алдаршуулах, нийгмийн эмзэг бүлгийнхэнд халамж үйлчилгээ үзүүлэх асуудалд анхаарал тавин ажиллах шаардлагатай байна.
Хүнлэг энэрэнгүй үйлс тань улам дэвжин дэлгэрэх болтугай.
МОНГОЛ УЛСЫН ЕРӨНХИЙЛӨГЧ ЦАХИАГИЙН ЭЛБЭГДОРЖ
Улаанбаатар хот, 2010 оны 11 дүгээр сарын 21-ний өдөр.
Монгол Улсын Ерөнхийлөгчийн илгээлт
