Монгол Улсын Ерөнхийлөгч Цахиагийн Элбэгдоржийн санаачилгаар 2009 оны 12 дугаар сарын 15-нд байгуулагдсан “Иргэний танхим” өнөөдөр нэг нас хүрлээ. Энэ хугацаанд тус танхимын 19 удаагийн нээлттэй хэлэлцүүлэгт 1643 иргэн, 49 удаагийн уулзалт, хурлуудад 2781 иргэн, нийт иргэний танхимын 68 удаагийн үйл ажиллагаанд 4424 иргэн биечлэн оролцож санал санаачилга дэвшүүлжээ.
Өнгөрсөн нэг жилийн хугацаанд Иргэний танхимын цахим хаяг, шуудангаар болон утсаар олон мянган иргэд санал бодлоо илэрхийлж, захидал ирүүллээ.
“Иргэний танхим”-ын зорилго нь олон нийтийн эрх ашгийг хөндсөн аливаа асуудлаар шийдвэр гаргах, төрийн бодлого боловсруулах, хууль тогтоох явцад иргэн бүрийн оролцоог бий болгох, улмаар иргэн төвтэй төрийн тогтолцоонд шилжих, нийгмийн хариуцлага, хяналт, ил тод, нээлттэй байдлыг хангахад оршино.
“Иргэний танхим”-аар нээлттэй хэлэлцүүлсэн сэдвүүд:
-“Хэвлэлийн эрх чөлөөний тухай”
-"Хэвлэлийн эрх чөлөөний тухай” хуулийн мэргэжлийн бүлгийн хэлэлцүүлэг
-“Шүүхийн тухай" Монгол Улсын хуульд нэмэлт өөрчлөлт оруулах тухай хуулийн төсөл
-“Дээд боловсролын санхүүжилт, суралцагчдын тэтгэлэг, тэтгэмж, нийгмийн баталгааны тухай” хуулийн төсөл
-“Төсвийн тухай” Монгол Улсын хуулийн төсөл
-“Эрүүгийн хуульд нэмэлт өөрчлөлт оруулах тухай” хуулийн төсөл
-“Монгол Улсын иргэн би” сэдэвтэй хүүхдийн хэлэлцүүлэг
-“Төсвийн тухай” хуулийн төслийн 2 дахь хэлэлцүүлэг
“Монголын уламжлалт сэтгэлгээ ба арга билгийн ухааны үндэс” -хичээлийн үндсэн агуулга
-“Монгол Улсын нэгдсэн төсвийн 2009 оны гүйцэтгэл”-ийн хэлэлцүүлэг
-“Инноваци ба технологийн бодлого, хөгжлийн чиг хандлага” сэдэвт Олон улсын бага хурал
-“Иргэдийн Ардчилал” сэдэвт нээлттэй хэлэлцүүлэг
-“Нийслэлийн эрх зүйн орчныг сайжруулах нь”
-“Сумын дүрмийн” төслийн нээлттэй хэлэлцүүлэг
-“Архи, тамхи, мансууруулах болон сэтгэцэд хүчтэй нөлөөлөх бодисын хор аюул ба хүний аюулгүй байдал”
- “Газар хөдлөлтийн гамшгаас урьдчилан сэргийлэх, хот байгуулалт, төлөвлөлтийг боловсронгуй болгох, асуудал” -“Тэтгэврийн даатгалын өнөөгийн байдал, шинэчлэлийн асуудлууд”
-“Дээд боловсролын санхүүжилт, суралцагчдын тэтгэлэг, тэтгэмж, нийгмийн баталгааны тухай” хуулийн төслийн хоёр дахь хэлэлцүүлэг
-“Төрийн зарим чиг үүргийг төрийн бус байгууллагуудтай гэрээлэх тогтолцооны эрх зүйн орчинг хөгжүүлэх нь” зэрэг болно.
