Монгол Улсын Ерөнхийлөгчийн ахлах зөвлөх П.Цагаан Япон Улсын Эрдэс баялаг, эрчим хүчний яамны Байгалийн баялаг, түлшний газрын Дарга Х.Андо тэргүүтэй төлөөлөгчидтэй уулзлаа.
Монгол орны уул уурхай, дэд бүтцийн салбарт Япон Улсын хөрөнгө оруулалт хийхээр сонирхож буйг Х.Андо дурдаад Таван толгойн тендерт тус улсын томоохон компаниуд өрсөлдөж байгаа талаар ярив.
Мөн түүнчлэн уулзалтанд Япон Улсаас Монгол Улсад суух Онц бөгөөд бүрэн эрхт Элчин сайд Т.Кидокоро байлцаж, Монгол Улсын Ерөнхийлөгчийн тус улсад хийсэн айлчлалыг Японы ард түмэн талархан хүлээн авсныг дурьдлаа.
