Төрийн ордны задгай хэсэгт УИХ-ын гишүүн Н.Батбаяр, Ерөнхийлөгчийн Тамгын газрын дарга Д.Баттулга, УИХ-ын Тамгын газрын Ерөнхий нарийн бичгийн дарга Ц.Шаравдорж, Засгийн газрын Хэрэг эрхлэх газрын дарга Ч.Хүрэлбаатар нар гэр барих шав тавих ёслол өнөөдөр үйлдлээ.
Энэхүү 15 хантай гэрт Монгол Улсын Төрийн туг-Есөн хөлт их цагаан тугийг залж, төрийн тулгын галыг бадраах юм байна.
Монгол төрийн тулгын галыг гурван бүслүүртэй, гурван баганатай, тулгын гурван чулуутай, нийт есөн зүйлээр тахин шүтэх уламжлалтай юм байна. Эдгээр дээр гал залгагдан арав болсноор Мөнх тэнгэрийн сүр хүч бадардаг ажээ.
