Монгол оронд өрнөсөн Ардчилсан хувьсгалын анхдагчдын нэг Наажаагийн Самбараазана 2009 оны 8 дугаар сарын 26-ны өдөр зуурдаар хорвоогийн мөнх бусыг үзүүлсэнд Монгол Улсын Ерөнхийлөгч эмгэнэл илэрхийлж түүний гэр бүлд эмгэнэлийн захидал хүргүүлэв.
Ерөнхийлөгч захидалдаа: “Н.Самбараазана нь ардчилал, эрх чөлөөний үзэл санааны төлөө өөрийгөө бүрэн зориулсан Монголын ардчиллын домогт партизануудын нэг. Тэр ер бусын нөхөрсөг, зөөлөн, хөгжилтэй зан чанартай хамт олон, нөхдийнхөө хайр хүндэтгэлийг татсан олон нөхдийнхөө дотно анд нь байсан. Монголын ардчилал нэгэн үнэнч цэргээ алдлаа. Самбараазаны гэр бүл, үр хүүхэд, дотны нөхөд болон ойр дотныхонд нь уй гашууг хуваалцаж байгаагаа илэрхийлье” гэжээ.
