Өнөөдөр Монгол Улсын Ерөнхийлөгчийн ахлах зөвлөх П.Цагаан Европын сэргээн босголт, хөгжлийн банкны Монгол дахь суурин төлөөлөгч Филип тэр Воорт болон тус банкны Монгол дахь суурин төлөөлөгчийн газрын тэргүүлэгч банкир Б.Батбаяр нарыг хүлээн авч уулзлаа.
Уулзалтын үеэр П.Цагаан Монгол Улсын Ерөнхийлөгчийн санаачилгаар хийгдэж буй Шүүхийн тухай багц хуулийн төсөл боловсруулах ажил, мөн энэ оны 4 дүгээр сарын 14,15-нд Ерөнхийлөгчийн Тамгын газрын зохион байгуулах Монгол Улс дахь хууль хамгаалах бүх байгууллагыг хамарсан “Шүүх эрх мэдлийн шинэчлэлийн үндэсний чуулган”-ы талаар танилцуулж, тус банктай хамтарч ажиллах талаар санал солилцлоо.
