2011 оны 2 дугаар сарын 15-нд Монгол Улсын Ерөнхийлөгчийн ахлах зөвлөх П.Цагаан АНУ-ын Азийн сангийн суурин төлөөлөгч Мелони Линдбергтэй уулзаж, тус улсын нэрт хуульч, шүүхийн шинэтгэл, менежментийн чиглэлээр өндөр туршлага хуримтлуулсан ноён Самуэл Контигийн "Шүүхийн тухай багц хуулийн төсөл"-д оруулсан санал, зөвлөмж бүхий тайлантай танилцлаа.
Ноён Конти нь Монголд байх хугацаандаа УИХ гишүүд, Дээд шүүхийн Ерөнхий шүүгч, Улсын Ерөнхий прокурор болон Шүүхийн тухай багц хуулийн төсөл боловсруулах ажлын хэсгийн гишүүдтэй хийсэн уулзалт, мөн Иргэний Танхимд болсон хэлэцүүлгийн үеэр эрдэмтэн, судлаачдаас гаргаж тавьсан асуудлуудыг судлан үзсэний үндсэн дээр энэхүү санал, зөвлөмжөө гаргасан байна.
Түүний ирүүлсэн тайланг Шүүхийн тухай багц хуулийн төсөл боловсруулах ажлын хэсгийн хурлаар хэлэлцэх юм байна.
