2011 оны 2 дугаар сарын 15-нд Монгол Улсын Ерөнхийлөгчийн ахлах зөвлөх П.Цагаан Япон Улсаас Монгол Улсад суух Онц бөгөөд бүрэн эрхт Элчин сайд ноён Т.Кидокоро болон тус улсын Эрдэс баялаг, эрчим хүчний яамны Байгалийн баялаг, түлшний газрын Дарга Х.Андо тэргүүтэй төлөөлөгчидтэй ажил хэргийн уулзалт хийлээ.
Уулзалтын үеэр Японы тал манай орны уул уурхай, дэд бүтцийн салбарт хөрөнгө оруулалт хийх сонирхолтой байгаа, тэр дундаа Таван толгойн тендерт Японы томоохон компаниуд өрсөлдөж буй талаар ярилцлаа.
Уулзалтын дашрамд Элчин сайд Т.Кидокоро Монгол Улсын Ерөнхийлөгчийн тус улсад хийсэн айлчлалыг Японы ард түмэн талархан хүлээн авсныг дурьдлаа.
