Өнөөдөр “Монгол Улс дахь хүний эрх, эрх чөлөөний байдлын талаарх Хүний эрхийн үндэсний комиссын 10 дахь илтгэл”-ийг Хүний эрхийн үндэсний комиссын дарга Ж.Бямбадорж, Хүний эрхийн үндэсний комиссын гишүүн П.Оюунчимэг нар Монгол Улсын Ерөнхийлөгчид гардууллаа. “Энэ удаагийн илтгэл нэлээн өргөн хүрээнд хийгдлээ. Учир нь Хүний эрхийн үндэсний комисс байгуулагдсанаас хойш хийсэн бүх илтгэлд тусгасан зөвлөмжүүдийг нэгтгэн, хэрэгжилтийг дүгнэж, үнэлэлт өгсөн. Өмнөх нийт зөвлөмжүүдийн 140 гаруй заалтаас 28% бүрэн биелсэн, 31% хагас биелсэн, үлдсэн хувь нь огт биелээгүй байна гэж бид дүгнэсэн. Энэ удаагийн илтгэлд 7 заалт бүхий зөвлөмж орууллаа. Эдгээр заалтууд нь нь манай улсад хууль эрхзүйн болон эдийн засгийн хувьд хэрэгжих бүрэн боломжтой заалтууд юм” гэж ХЭҮК-ын дарга Ж.Бямбадорж хэлэв.
Ерөнхийлөгч Ц.Элбэгдорж “Монгол Улс дахь хүний эрх , эрх чөлөөний байдлын талаарх илтгэл”-ийг анхааралтай судалж үзнэ гээд, хүний эрхийн байдлын зарим асуудлаар санал солилцлоо.
