Монгол Улсын Ерөнхийлөгч Ц.Элбэгдорж Америкийн Нэгдсэн Улсад хар шуурга болж, ихээхэн хохирол учруулсантай холбогдуулан АНУ-ын Ерөнхийлөгч Барак Обамад өнөөдөр эмгэнэл илэрхийлэн захидал илгээв. Эмгэнэлийн захидалд “Америкийн Нэгдсэн Улсад болсон хар шуурганы улмаас олон хүний амь нас эрсдэн, эд хөрөнгийн ихээхэн хохирол учирсанд Эрхэмсэг ноён Ерөнхийлөгч Танд болон америкийн ард түмэнд монголын ард түмний өмнөөс болон хувиасаа гүн эмгэнэл илэрхийлье.
Байгалийн гамшигт нэрвэгдэж амь үрэгдсэн хүмүүсийн гэр бүл, ойр дотныхонд бидний эмгэнэл, гашуудлыг уламжилж өгнө үү.
Эрхэмсэг ноён Ерөнхийлөгч Таны удирдлага дор америкийн ард түмэн гамшгийн хохирлыг богино хугацаанд арилгаж, энэхүү хүнд сорилтыг зориг тэвчээртэйгээр, амжилттай даван туулна гэдэгт итгэлтэй байна” гэжээ.
