Монголын байгаль хамгаалах иргэний хөдөлгөөнүүдийн эвслээс Ерөнхийлөгчийн дэргэдэх Иргэний танхимд 2011 оны 2 дугаар сарын 23-ны өдөр “Усны нөөцийг хамгаалж, үнэлэмжийг нэмэгдүүлэх нь” сэдвээр хэлэлцүүлэг зохион байгууллаа.
Хэлэлцүүлгийг нээж МБХИХЭ-ийн тэргүүн Д.Батболд үг хэллээ. Тэрээр хэлсэн үгэндээ “... цэнхэр алт маань цэнгийн ч үнэгүй боллоо .... төрөөс батлагдан гарч бодлого шийдвэр, хууль тогтоомжуудын эрхзүйн орчинг сайжруулах, хуулийн төсөлд хамтран санал оруулах шаардлагатай байна” гэлээ.
хэлэлцүүлэгт “Усны нөөцийн хамгаалах, нөхөн сэргээх, хянах эрх зүйн орчныг боловсронгуй болгох нь” Ц.Ганчимэг, “Усны нөөц ашигласны төлбөрийг нэмэгдүүлэх нь” сэдвээр Д.Ганцогт, “Ус бохирдуулсан этгээдэд нөхөн төлбөр ногдуулах эрх зүйн орчинг бүрдүүлэх нь” сэдвээр Д.Батболд, “Усны нөөцийг хамгаалах, нөхөн сэргээх, хяналт тавихад иргэдийн оролцоог нэмэгдүүлэх нь” сэдвээр Б.Баярмаа нар илтгэл тавилаа.
Илтгэлийн дараа Хөвсгөл аймгийн УИХ-ын гишүүн Г.Батхүү, Ханх сумын иргэн Б.Батмөнх, МБОИЗ-ын УЗ-ын гишүүн Ц.Ширэндэв, МУ-ын Аюулгүй байдлын төлөө зүтгэе ТББ-аас Ч.Азар, ШУТИС-ын ХБОИС-ын тэнхмийн эрхлэгч С.Чулуунхуяг, Дээдэс хайрхад академи ТББ-ын тэргүүн Б.Гансүх нар, судлаач эрдэмтэн н.Түвдэнбалжир, Усны газрын мэргэжилтэн Монгол Улсын зөвлөх инженер И.Батцэцэг нар хуулийн төсөлд тусгах саналаа хэллээ.
Хэлэлцүүлэгийн үеэр 2008-2010 оны УИХ-ын гишүүдийн байгаль орчны төлөө хийсэн ажлын дүгнэлтийг танилцуулж байгальд хамгийн ээлтэй гишүүдээр шалгарсан УИХ-ын гишүүн Ц.Сэдванчиг, Г.Баярсайхан, Г.Батхүү нарт “Ногоон од” цом, өргөмжлөл гардууллаа.
Хэлэлцүүлэгт Сүхбаатар, Дорнод, Хөвсгөл, Баянхонгор, Архангай, Хэнтий аймгийн иргэд оролцож хуулийн төсөлд санал хэлснээрээ онцлог байлаа.
Хэлэлцүүлэгийн үеэр гарсан иргэдийн саналыг Усны тухай хуулийн төсөлд тусгуулахад цаашид хамтран үр дүнтэй ажиллана гэж найдаж байна.
