Монгол Улсын Ерөнхийлөгч Ц.Элбэгдорж зарлиг гарган, Дэмбэрэлийн Батбаатар, Бямбаагийн Мөнхтуяа нарыг Захиргааны хэргийн давж заалдах шатны шүүхийн шүүгчийн, Доржгочоогийн Баатархүү, Эрдэмбилэгийн Лхагвасүрэн, Цолмонгийн Сайхантуяа нарыг Нийслэлийн захиргааны хэргийн шүүхийн шүүгчийн албан тушаалд томиллоо. Мөн Нарантуяагийн Сарангүнийг Хөвсгөл аймаг дахь сум дундын шүүхийн шүүгчийн албан тушаалаас Нийслэлийн Баянзүрх дүүргийн шүүхийн шүүгчийн, Довдонгийн Очмандахыг Төв аймаг дахь сум дундын 2 дугаар шүүхийн шүүгчийн албан тушаалаас Нийслэлийн Баянгол дүүргийн шүүхийн шүүгчийн албан тушаалд тус тус сэлгээн ажиллуулах зарлигт гарын үсэг зурж, шүүгчдийн үнэмлэхийг гардуулан өглөө.
Шинээр томилогдсон шүүгч нарт итгэл дааж, хуулиа баримтлан, хариуцлагатай ажиллахыг Монгол Улсын Ерөнхийлөгч даалгалаа.
