Нийслэлийн агаарын бохирдлыг бууруулах Үндэсний хорооны ээлжит хурал өнөөдөр болж, Баянзүрх дүүргийн 2 дугаар хорооны нутаг дэвсгэрт байрлах “Цагаан даваа” орчмын нам даралтын 112 зуухны барилгын объектуудыг татан буулгаж төвлөрсөн дулааны шугамд холбохоор шийдвэрлэн, шаардагдах хөрөнгийг “Цэвэр агаарын сан”-гаас санхүүжүүлэхээр тогтлоо. Уг ажлыг шуурхай зохион байгуулахыг нийслэлийн Засаг даргад үүрэг болгов.
