Монгол Улсын Ерөнхийлөгч Ц.Элбэгдорж Бүгд Найрамдах Латви Улсын Ерөнхийлөгчөөр ноён Андрис Берзинс сонгогдсонд баяр хүргэж цахилгаан утас илгээлээ. Захидалд: “Бүгд Найрамдах Латви Улсын Ерөнхийлөгчөөр сонгогдсонд Эрхэмсэг ноён Танд чин сэтгэлийн баяр хүргэе. Монгол, Латвийн найрсаг харилцаа, хамтын ажиллагаа цаашид манай хоёр ард түмний эрх ашигт нийцэн өргөжин хөгжинө гэдэгт итгэлтэй байгаагаа илэрхийлье.
Эрхэмсэг ноён Ерөнхийлөгч Танд эрүүл энх, сайн сайхныг, найрсаг Латвийн ард түмэнд хөгжил цэцэглэлийн ерөөл дэвшүүлье” гэжээ.
