2011 оны 9 дүгээр сарын 09-ний өдөр Үндэсний аюулгүй байдлын зөвлөл хуралдлаа. Энэ үеэр Улсын Их Хурлын гишүүн, Засгийн газрын гишүүн, Дэд бүтцийн сайд асан С.Зоригийн амь насыг хохироосон хэргийн мөрдөн шалгах ажлын явцын талаар Улсын ерөнхий прокурор Д.Дорлигжав болон хууль хяналтын байгууллагуудын гүйцэтгэх ажилтнууд Үндэсний аюулгүй байдлын зөвлөлд анх удаа мэдээлэл хийсэн байна.
Уг асуудлаар Үндэсний аюулгүй байдлын зөвлөлөөс тодорхой шийдвэр гаргаж, холбогдох хууль хяналтын байгууллагын үйл ажиллагаанд дэмжлэг үзүүлж, үүрэг чиглэл өгч ажиллахаар болсон байна.
