Монгол Улсын Ерөнхийлөгчийн санаачилсан "Архигүй Монголын төлөө" аяны хүрээнд Ерөнхийлөгчийн Хүний эрх, иргэний оролцооны зөвлөх Ч.Сосормаагаар ахлуулсан ажлын хэсэг 2011 оны 10 дугаар сарын 14- 16-ны өдрүүдэд Өмнөговь аймгийн Даланзадгад, Ханбогд, Цогтцэций сумдад ажиллаж, ард иргэдтэй уулзлаа. Тус аймгийн удирдлагууд " Архидалтгүй загвар аймаг" болохыг ард иргэддээ уриалав. Түүнчлэн "Архи хэрэглэдэггүй аймаг" журмын төслийг аймаг, сумдын "Иргэний танхим"-аар хэлэлцүүлэхээр боллоо .
