Монгол Улсын Ерөнхийлөгчийн Тамгын газар, Монголбанк, Монгол Улсын Их сургуультай хамтран Монгол Улсын Ерөнхийлөгчийн дэргэдэх “Мөнгөний бодлогын дэд зөвлөл”-ийн ээлжит хуралдаан, нээлттэй хэлэлцүүлгийг 2011 оны 10 дугаар сарын 13-ны өдөр МУИС-ын лекцийн дугуй танхимд зохион байгууллаа.
Энэ өдрийн хэлэлцүүлгийг нээж Монголбанкны Ерөнхийлөгч Л.Пүрэвдорж үг хэлсэн ба Монгол Улсын Ерөнхийлөгчийн эдийн засгийн бодлогын зөвлөх Л.Дашдорж хөтлөн явуулав.
Хэлэлцүүлэгт Монголбанк, МУИС-иас нийт 3 илтгэл хэлэлцүүлэгдсэн ба Мөнгөний бодлогын талаар баримталж буй үндсэн зарчим, түүний хэрэгжилт, хөрөнгийн дотогшлох урсгалын эдийн засагт үзүүлэх нөлөөлөлд хийсэн дүн шинжилгээ, Манай улсад орж ирж буй их хэмжээний хөрөнгөнөөс шалтгаалж мөнгө, сангийн бодлогод хэрхэн зохицуулалт хийх талаар сонирхолтой илтгэлүүд хэлэлцүүлж олон нийтийн санал бодлыг сонсох нээлттэй хэлэлцүүлэг өрнүүллээ.
Уг хуралдаан нь мөнгөний бодлогын өнөөгийн байдал, цаашдын хандлагын талаар олон нийтэд бодитой мэдээлэл өгөх, хэрэгжилтийг тайлбарлан таниулах, хөрөнгийн урсгалын эдийн засагт нөлөөлөх сувгууд, болзошгүй нөлөөллийг үнэлэхэд чиглэсэн билээ.
Хэлэлцүүлэгдсэн сэдэв:
1. “Мөнгөний бодлогын хэрэгжилт” Монголбанкны мөнгөний бодлого судалгааны газрын захирал Д.Болдбаатар
2. “Хөрөнгийн дотогшлох урсгалын эдийн засагт үзүүлэх нөлөө: DSGE загвараар шинжлэх нь” Монголбанкны МБСГ-ын эдийн засагч П.Авралт-Од, Г.Бумчимэг, Б.Даваадалай
3. “Их хэмжээний хөрөнгөөс шалтгаалж Монгол Улсын Мөнгө, Сангийн бодлогуудад зохицуулалт хийх нь” “Coordination of fiscal and monetary policies in Mongolia in anticipation of large-scale capital” Б.Алтанцэцэг (профессор, МУИС)
2011.10.13
