Монгол Улсын Ерөнхийлөгчийн ахлах зөвлөх П.Цагаан 2011 оны 10 дугаар сарын 19 нд Европын Сэргээн Босголт Хөгжлийн Банк /ЕСБХБ/-ны Турк, Зүүн Өмнөд Европ, Кавказ болон Төв Азийг хариуцсан захирал Оливье Декамп болон тус банкны Дэд Эдийн засагч, Судалгааны хэлтсийн дарга Жеромин Зэттэлмайер тэргүүтэй төлөөлөгчидтэй уулзаж тус банкны ойрын жилүүдэд Монголд хийж болох санхүүжилтийн талаар санал солилцлоо. Ноён Декамп тус улсад ойрын жилүүдэд уул уурхай болон хотжилтыг дагаад цахилгаан эрчим хүч, нийтийн хэрэглээний усны хэрэгцээ нэмэгдэхтэй холбогдуулан ЕСБХБ-ны зүгээс тэдгээрийг нийлүүлэх боломж бий гэдгийг дурдаад Монгол дахь үйл ажиллагаагаа тэлэх сонирхол байгаагаа мэдэгдлээ.
