Улаанбаатар хот
Хүндэт ноён Элбэгдорж,
Орос, Монголын хооронд дипломат харилцаа тогтоосны 90 жилийн ойг тохиолдуулан баяр хүргэн мэндчилье. Олон арван жилийн турш Орос, Монгол хоёр улс цагийн эрхээр шалгарсан найрамдал, сайн хөршийн бат бэх холбоотой явж ирлээ.
Манай улс шинэ Монгол Улсыг хамгийн түрүүнд хүлээн зөвшөөрсөн бөгөөд түүний төрт ёс, тусгаар тогтнолыг бэхжүүлэхийн төлөө тууштай тэмцэж байсан. Эдүгээ стратегийн түншлэлийн шинж чанартай болсон хоёр талын хамтын ажиллагаа хойшид эрчимтэй өргөжин хөгжинө гэдэгт итгэж байна.
Тийнхүү урагшлах нааштай хөдөлгөөний үндэс нь дээд хэмжээнд тохиролцсон дэд бүтэц, уул уурхай, тээвэр, хөдөө аж ахуйн салбар дахь хамтарсан том төслүүдийг тууштай хэрэгжүүлэх явдал мөн. Энэ нь Орос, Монголын иргэдийн эрх ашигт бүрэн нийцэж байгаа бөгөөд Зүүн хойд Азийн энх тайван, нийгэм-эдийн засгийн хөгжлийн үйл хэрэгт тус дэм болно гэдэгт бат итгэж байна.
Хамгийн сайн сайхан бүхнийг хүсэн ерөөсөн \ энэ үгсийг гараар нэмж бичжээ.\
ОХУ-ЫН ЕРӨНХИЙЛӨГЧ Д.МЕДВЕДЕВ
Москва. Кремль 2011 оны 11 дүгээр сар 5
