Монгол Улсын Ерөнхийлөгч Ц.ЭЛБЭГДОРЖИЙН Кувейт Улсад хийх албан ёсны айлчлал өнөөдөр эхэллээ. Улаанбаатар хотын цагаар 19 цагт, Ерөнхийлөгч Ц.Элбэгдорж дагалдан яваа төлөөлөгчдийн хамт Кувейт Улсын Эль Кувейт хотын олон улсын нисэх онгоцны буудалд буулаа. Дараа нь Кувейт Улсын Эрхэм дээд Эмир Шейх Сабах Аль-Ахмед Аль-Жабер Аль-Сабах Монгол Улсын Ерөнхийлөгчийг албан ёсоор угтах ёслол болов.
Ерөнхийлөгчийг, Кувейт Улсын Эрхэм дээд Эмир Шейх Сабах Аль- Ахмед Аль-Жабер Аль-Сабах , Кувейт Улсын үе залгамжлах Хунтайж Шейх Наваф Аль-Ахмад Аль-Жабер Аль-Сабах, Кувейт Улсын Үндэсний Ассамблейн дарга Жассем Аль-Харрифи, Кувейт Улсын Ерөнхий Сайд Шейх Жабер Аль-Мубарак Аль-Хамад Аль-Сабах, Шадар сайд бөгөөд Дотоод хэргийн сайд Шейх Ахмад Хамуд Аль Жабер Аль-Сабах, Шадар сайд бөгөөд Гадаад хэргийн сайд Шейх Сабах Аль-Халид Аль-Хамад Аль-Сабах, Шадар сайд бөгөөд Хууль зүй, Нийгмийн асуудал эрхэлсэн сайд Др Мухаммед Мохсен Аль-Асафи болон Кувейт Улсын Үндэсний хамгаалалтын албаны дарга , Эмирийн ордны асуудал эрхэлсэн орлогч сайд, Засгийн газрын хэрэг эрхлэх сайд, Эмирийн албаны дарга, Эмирийн ордны зөвлөх, Хүндэт төлөөлөгчдийн тэргүүн нар хүндэтгэн угтав.
Монгол Улсын Төрийн тэргүүн энэхүү айлчлалынхаа хүрээнд Кувейт Улсын Эрхэм дээд Эмир болон тус улсын Ерөнхий сайд, Үндэсний Ассамблейн дарга, Арабын Эдийн засгийн хөгжлийн Кувейтийн сангийн захирал, Кувейтийн хөрөнгө оруулалтын агентлагийн захирал зэрэг хүмүүстэй уулзаж хоёр орны харилцаа хамтын ажиллагааны асуудлуудаар санал солилцох болно.
мэдээний зургийг энд дарж татаж авна уу
http://share.gogo.mn/Od09Tfd8jO60881323085503/2011_12_05.rar
Мэдээний дүрс
http://share.gogo.mn/SsttY5uIRp64921323147678/kuwaitugtaw.wmv
