Монгол Улсын Ерөнхийлөгчийн санаачилсан “Архигүй Монголын төлөө хамтдаа” Уриалгыг хэрэгжүүлэх ажлын хүрээнд улс орон даяар өрнөсөн аяныг эрчимжүүлэх зорилгоор Ерөнхийлөгчийн Тамгын газраас 2011 оны 12 дугаар сарын 06-ний ТГ/1476 тоот албан бичгээр Нийслэлийн Иргэдийн Төлөөлөгчдийн Хурал болон Нийслэлийн засаг дарга бөгөөд Улаанбаатар хотын захирагч нарт хандан “Архидан согтуурахтай тэмцэх” тухай хууль зөрчсөн НИТХ-ын 2010 оны “Санал хүсэлтийн мөрөөр авах арга хэмжээний тухай ”123-р тоот тогтоолыг хүчингүй болгохыг шаардсан шаардлагыг хүргүүлсэн билээ.
Энэхүү албан шаардлагын дагуу Нийслэлийн Иргэдийн Төлөөлөгчдийн Хурлын Тэргүүлэгчид 2012 оны 01 дүгээр сарын 27-ний өдөр хууль зөрчсөн дээрхи тогтоолыг хүчингүй болгосон байна.
Энэ нь Нийслэлийн удирдлагуудын зүгээс Монгол Улсын Ерөнхийлөгчийн санаачилсан “Архигүй Монголын төлөө хамтдаа” уриалыг хэрэгжүүлэх үүднээс авсан томоохон арга хэмжээ хэмээн Ерөнхийлөгчийн Тамгын газар үнэлэн сайшааж байна.
