Монгол Улсын Ерөнхийлөгч Ц.Элбэгдорж улсынхаа хилийн байдалтай танилцаж, хилчидээ эргэж байна. Тэрээр энэ сарын 21-25-ны өдрүүдэд Өмнөговь, Дорноговь аймгууд дахь хилийн 12, 13, 9-р отрядуудаар явж хилчидтэй уулзан, хилийн заставын үйл ажиллагаа, хил хамгаалалтын байдалтай танилцах юм.
Ерөнхийлөгчийн очсон эхний отряд болох Дорноговь аймгийн хилийн 13-р отряд улсын хил хамгаалалтанд ашиглаж байгаа техник хэрэгслийг үзүүллээ. Мөн хилийн 12-р отрядын 1-р заставт хилчдийн хувцас, хүнсний хангалттай танилав.
Өнөөдөр /буюу 10-р сарын 23-ны өдөр/ зарим хилийн заставт гэрээт хилчний албыг зохион байгуулж байгаа байдалтай танилцахын зэрэгцээ, хил хяналтын байгууллагууд, боомтуудаар мөн явах болно. Монгол Улсын Ерөнхийлөгчийг дагалдан, Ерөнхийлөгчийн Тамгын газрын дарга Д.Дорлигжав, Ерөнхийлөгчийн аюулгүй байдлын бодлогын зөвлөх М.Батчимэг, ХХЕГ-ын дарга А.Баатарцогт, ГЕГ-ын дарга Д.Цэвээнжав болон албаны бусад хүмүүс ажиллаж байна.
