Хэвлэлийн хурлын эхэнд МҮОНТ-ийн ММ агентлагийн сэтгүүлч Индонезийн Ерөнхийлөгчөөс АСЕН-ны талаар асуулт асуув.
Бүгд Найрамдах Индонез Улсын Ерөнхийлөгч: Зүүн өмнөд азийн бүс нутгийн холбоо нь томоохон байгуулага болсон урт удаан жилийн түүхтэй, одоо ч бүс нутгийн хүчирхэг байгууллага болон хөгжөөд байна. АСЕН нь цаашдаа Зүүн өмнөд Азийн хамтын ажиллагааны нийгэмлэг болж хөгжих бөгөөд Зүүн өмнөд азид эдийн засаг хамтын ажиллагаа, аюулгүй байдал болон бусад салбарын хамтын ажиллагааг хөгжүүлэх хамтын нийгэмлэг болон өргөжин хөгжинө.
АСЕН нь Европын Холбооны адил хөгжихгүй тохиолдолд хязгаарлалтын хүрээнд ажиллах байх. Гэвч АСЕН нь цаашдаа өргөжин хөгжинө. АСЕН-ийн онцлог нь тодорхой дүрэм журамд үндэслэсэн худалдаа, хөрөнгө оруулалтын хамтын ажиллагаагаа бөгөөд цаашид ч тогтвортой ажиллах юм. АСЕН нь хөгжил дэвшлийн явцад зөвхөн Зүүн өмнөд азийн хөгжил дэвшлийн төлөө, цаашлаад дэлхийн хэмжээний тулгамдаж байгаа асуудлуудыг шийдэхэд чухал нөлөө үзүүлэх хэмжээнд өргөжин хөгжина гэдэгт итгэлтэй байна.
-Индонезийн сэтгүүлч: Эхний асуултыг Монгол Улсын Ерөнхийлөгч Ц.Элбэгдорж танд тавья. Монгол Улс гадаадын хөрөнгө оруулагчид бизнесмэнүүдийг татах ямар бодлого явуулж байна вэ?
-Дараагийн асуултыг Индонезийн Ерөнхийлөгчөөс асууж байна. Индонези Монголын хамтын ажиллагаа эдийн засгийн харилцаа цаашид хөгжихөд бизнесийн байгууллагуудын хамтын үйл ажиллагаанд хэрхэн дэмжлэг үзүүлэх вэ? Ямар туслалцаа үзүүлэх вэ?
Монгол Улсын Ерөнхийлөгч: Гадаадын хөрөнгө оруулалтын асуудлаар жил бүр Монгол Улсад “Дисковери Монголиа” гэж гадаадын хөрөнгө оруулагчдад зориулсан томоохон уулзалт болдог. Энэ уулзалтад Индонезийн аж үйлдвэрийн танхимын хамт олон, Индонезийн бизнесийн хүмүүсийг идэвхтэй оролцохыг бид урьж байна. Өнөөдөр эрхэм Ерөнхийлөгч манай бизнесийн төлөөлөлтэй уулзах юм байна лээ. Хоёр талын бизнесийн төлөөлөлүүд уулзана. Энэ үеэр манай талаас, Засгийн газрын зүгээс Монголд байгаа бизнес орчин, гадаадын хөрөнгө оруулагчдад ханддаг хандлага, хууль тогтоомжийн байдлыг Та бүхэнд дэлгэрэнгүй танилцуулах болно. Бид Индонезийн талаас Монголд хамтарч ажиллах бизнесийн үйл ажиллагааг хөгжүүлэх сонирхолтой байгаа гэдгийг энд дахин цохож хэлье, баярлалаа.
Бүгд Найрамдах Индонез Улсын Ерөнхийлөгч: Эрхэмсэг ноён Ц.Элбэгдоржийн хэлснийг дахин онцолж хэлэхийг хүсэж байна. Манай хоёр улсын Засгийн газар хоорондын хамтын ажиллагаанд хамтарсан комиссыг байгуулж ажиллахар тохиролцсон. Энэ хүрээнд худалдаа хөрөнгө оруулалтыг нэмэгдүүлэхээр ярилцаж байна. Эрхэмсэг Ерөнхийлөгчтэй хийсэн хэлэлцээнд дурдсаны дагуу дахин тэмдэглэхэд Индонези Улс дэд бүтцийн салбарт арвин туршлага хуримтлуулсан. Индонези Улс Ази, Африкийн улс орнуудад дэд бүтцийн томоохон төслийг санхүүжүүлж байгаа.
Монгол Улсын “Ийгл” телевизийн сэтгүүлч:
-Эрхэм Ерөнхийлөгч таныг Монгол Улсад айлчлилж байгаа энэ цаг мөчийг тохиолдуулан асуулт асуух боломж олдож байгаад баяртай байна. Нэгдүгээр асуулт таныг ардчиллын төлөө тууштай тэмцэгч, олон улсад хүлээн зөвшөөрөгдсөн реформич хүний хувьд асуухад, өнөөгийн Индонезийн ардчиллын байдал хийгээд өөрчлөлт шинэчлэлийн талаар манай сэтгүүлчдэд товчхон мэдээллэнэ үү?
-Хоёрдугаар асуулт нь 1956 онд манай хоёр улсын хооронд дипломат харилцаа тогтоосноос хойш хагас зуун жил өнгөрсөн байна. Энэ бол урт хугацаа. Энэ хугацаанд манай хоёр улсын хамтын ажиллагаа ямар түвшинд хөгжөөд байна гэж та үзэж байна вэ?
Бүгд Найрамдах Индонез Улсын Ерөнхийлөгч: Индонези Улсад ардчиллын үнэт зүйлс хөгжиж буй нь Монгол Улсад ардчилал хөгжиж байгаатай яг адил баталгаажиж байна. Ардчилал гэдэг бол зөвхөн чөлөөт сонгууль явуулах, хүмүүсийн эрх чөлөөний тухай асуудал биш юм. Ардчилал гэдэг бол хууль дээдлэх, шударга ёсыг сахиулах, иргэдийн оролцоог хангах тухай өргөн ойлготыг багтаасан асуудал юм. Ингэж байж ардчилал тухайн улс оронд бат бэх хөгжиж иргэдийн оролцоо нэмэгдэх юм.
Манай хоёр улсын харилцааны хувьд олон салбараар харилцааг хөгжүүлэх боломж бүрдэж байна гэж дүгнэх байна. Тухайлбал Индонзеи Монгол манай хоёр улс нийтлэг үнэт зүйлтэй улсууд юм. Энд ардчилал, хүний эрх болон тогтвортой хөгжлийг хөгжүүлэх нийтлэг онцлогууд хамаарна. Эрхэмсэг ноён Ерөнхийлөгчийн хэлсний дагуу манай хоёр улс нийтлэг үнэт зүйл зарчимтай учраас цаашид харилцаа олон салбарт өргөжин хөгжинө гэдэгт итгэлтэй байна. Үүгээр хэвлэлийн хурал өндөрлөе та бүхэнд анхаарал тавьсанд баярлалаа.
