Манай улсад айлчилж байгаа, ОХУ-ын Аюулгүй Байдлын Зөвлөлийн Нарийн бичгийн дарга Н.П.Патрушев Монгол Улсын Ерөнхийлөгч Ц.Элбэгдоржид бараалхав.
Тэрээр Монгол Улсын Ерөнхийлөгчид бараалхахдаа, “Манай хоёр орон түүхэн харилцаатай найрсаг хоёр ард түмэн. Өнгөрсөн 5 дугаар сар, 8 дугаар саруудад манай улсын Ерөнхий сайд, Ерөнхийлөчид Монгол Улсад айлчлан, стратегийн томоохон хэлэлцээрүүд хийгдсэнд баяртай байгаа бөгөөд Ерөнхийлөгч Д.А.Медведев ч дээрх хэлэлцээрүүдэд өндөр ач холбогдол өгч одоо хэрэгжилтийн шатандаа явж байгаа” гэж онцлон хэлэв. Мөн тэрээр ирэх жил 65 жилийн ой нь тохиох дэлхийн хоёрдугаар дайны үр дүнгийн талаар сүүлийн жилүүдэд дэлхий дахинд сөрөг мэдээллүүд гарч байгааг дурьдаад манай хоёр ард түмний хамтын хүчээр олсон энэхүү ялалтын түүхэн үнэнийг олон улсад таниулан сурталчилахад Монгол Улсыг дэмжлэг үзүүлэхийг хүсэв.
Уулзалтын үеэр Ерөнхийлөгч Ц.Элбэгдорж хэлэхдээ, “Монгол Улс бол ОХУ-тай түүхэн, баатарлаг, онцгой харилцаатай. Өнгөрсөн 8 дугаар сард ОХУ-ын Ерөнхийлөгчийн хийсэн албан ёсны айлчлал ч хоёр орны түүхэн харилцааг илэрхийлсэн ач холбогдолтой үйл явдал болсон. Бид дэлхийн хоёрдугаар дайны бодит үр дүнд ямагт өмнөх байр сууриа баримтлана. Манай хоёр орны харилцаанд батлан хамгаалах, цэрэг техникийн хамтын ажиллагаа чухал бөгөөд бидний хооронд байгуулсан стратегийн хэлэлцээрүүдийг нэгдмэл ойлголттой, шуурхай хэрэгжүүлэх нь чухал” гэж хэллээ.
Н.П.Патрушев нь ОХУ-ын Аюулгүй байдлын албанд олон жил ажилласан Армийн генерал цолтой, ОХУ-ын Баатар, нэгээс дөрөвдүгээр зэргийн “Эх орны төлөө байгуулсан
