Өнөөдөр Монгол Улсын Ерөнхийлөгч зарлиг гарган дэлхийн сайн санаат хүмүүс, байгууллагын тусламжтайгаар Кристина Нобелийн хүүхдийн санг Монгол Улсад байгуулж Монголын хүүхэд, өсвөр үеийнхний сайн сайхны төлөө оруулсан хувь нэмрийг нь үнэлж Бүгд Найрамдах Ирланд Улсын иргэн Кристина Нобелийг “Найрамдал” медалиар шагнав.
Кристина Ноблийн Хүүхдийн Сан нь “Амьдралын хүнд нөхцөлд байгаа хүүхдүүдэд боловсрол олгох, эмнэлгийн тусламж үзүүлэх, нийгэмд эзлэх байр суурийг нь өргөх, ажлын чиг баримжаа олгох, хүүхдийг эдийн засгийн болоод бэлгийн хүчирхийллээс хамгаалахад үйл ажиллагаагаа нь зориулж, хүүхэд бүрийг хувь хүнийх нь хувьд хайрлан энэрч хүндлэнэ” гэсэн үндсэн зарчимтайгаар 1997 оноос эхлэн Монгол Улсад үйл ажиллагаагаа явуулж эхэлжээ.
Одоогоор тус сан нь Улаанбаатар хот, Булган болон Төв аймгийн хэмжээнд хүнд нөхцөлд байгаа хүүхдүүдэд туслах зорилгоор “Гэр Хотхон төсөл”, “Хүүхдийг гэрт нь ивээн тэтгэх төсөл”, “Боловсрол төсөл”, “Эрүүл Мэнд Төсөл” зэрэг томоохон дөрвөн төслийг хэрэгжүүлж байгаа бөгөөд зөвхөн Хүүхдийг гэрт нь ивээн тэтгэх төсөлд нийтдээ 1600 гаруй хүүхдүүд хамрагджээ
