Монгол Улсын Ерөнхийлөгчийн дэргэдэх “Иргэний Танхим”-д “Хэвлэлийн эрх чөлөөний тухай” хуулийн төслийн нээлттэй хэлэлцүүлэг 2009 оны 12 дугаар сарын 17-ны өдрөөс эхэлж байна. Дор дурдсан төслийн талаар бичгээр ирүүлэх саналыг хэлэлцүүлэг нээсэн өдрөөс эхлэн 2010 оны 01 дүгээр сарын 11-ний ажлын өдрийг дуустал Иргэний танхимын хаягаар хүлээн авна. Хугацаа хоцорч ирүүлсэн саналыг нээлттэй хэлэлцүүлгийн тайлан тэмдэглэлд оруулахгүй болохыг анхаарна уу.
“Хэвлэлийн эрх чөлөөний тухай” хуулийн төслийн талаар иргэдийн байр суурийг төсөл санаачлагчид хүргэх зорилгоор 2010 оны 01 дүгээр сарын 12-ны Мягмар гаригийн 10.00 цагт Төрийн ордны зүүн жигүүрийн гуравдугаар давхарт байрлах Иргэниий танхимд нээлттэй сонсгол явагдана. Сонсголд биечлэн оролцохыг хүссэн хүмүүсийг 2010 оны 01 дүгээр сарын 06-ны өдрийн 9.00-18.00 цагийн хооронд зөвхөн ажлын нэг өдрийн турш “Иргэний Танхим”-ын утас, факс, электрон шуудангаар бүртгэнэ.
Иргэний танхимын ажлын алба
Монгол Улсын Ерөнхийлөгчийн Тамгын Газар
