Монгол Улсын Ерөнхийлөгч төрийн золголт хийж ахмадууддаа хүндэтгэл үзүүлнэ
Монгол Улсын Ерөнхийлөгч Ц.Элбэгдорж арвандолдугаар жарны “Тийн ялгуусан” хэмээх усан могой жилийн цагаан сарын баярын үеэр дараах ёслолын арга хэмжээнүүдэд оролцох юм.
Хоёрдугаар сарын 9-ний бямба гаригийн 15.00 цагаас хөдөлмөр, бүтээлийн өндөр амжилт гаргагчдад Монгол Улсын Ерөнхийлөгч төрийн дээд одон, медаль гардуулна. Битүүний өдөр 14.00 цагаас Бөхийн өргөөнд хүчит 256 бөхийн барилдааныг үзэж сонирхоно.
Монгол Улсын Ерөнхийлөгч цагаан сарын шинийн нэгний өглөө 08.00 цагт Төрийн есөн хөлт цагаан туганд хүндэтгэл үзүүлээд Төрийн ёслол, хүндэтгэлийн гэр өргөөнд золгох ёслолд оролцоно.
Үүний дараа ахмад настны төлөөлөл болсон есөн азай бууралтай золгож хамтдаа дурсгалын зураг татуулж сэтгүүлчдэд ярилцлага өгөх юм.
Монгол Улсын Ерөнхийлөгч төрийн золголт хийж ахмадууддаа хүндэтгэл үзүүлнэ
