Сар шинийн барилдаанд улсын арслан Г.Эрхэмбаяр түрүүлэв
Билгийн тооллын XVII жарны "Тийн ялгуусан" хэмээх усан могой жилийн сар шинийн баярт зориулан Монгол бөхийн өргөөнд битүүний өдөр болсон үндэсний бөхийн барилдааныг Монгол Улсын Ерөнхийлөгч Ц.Элбэгдорж үзэж сонирхлоо.
Энэ жилийн цагаан сарын барилдаанд улсын аварга С.Мөнхбат, улсын арслан Д.Ганхуяг, Х.Мөнхбаатар, Л.Эрхэмбаяр, Д.Азжаргал, П.Бүрэнтөгс нарын хүчит 256 бөх зодоглосноос Сэлэнгэ аймгийн Мандал сумын харьяат, ШШГЕГ-ын харьяа "Сүлд" спорт хороо, “Ноёд” групп, "Таван хан" дэвжээний бөх, Монгол Улсын арслан Гунаажавын Эрхэмбаяр түрүүлж, Увс аймгийн Баруунтүрүүн сумын харьяат, Зэвсэгт хүчний 0311 дүгээр анги, Монголросцветмет нэгдлийн “Уурхайчин” бөхийн дэвжээний бөх, Монгол Улсын залуу аварга Сүхбаатарын Мөнхбат үзүүрэлэв.
Сар шинийн барилдаанд улсын арслан Г.Эрхэмбаяр түрүүлэв
