Данийн нийслэл дэх Хатан хааны харш болох Кристианборгд болсон , Хатан хаан Маргрет II, Хунтайж Консорт Хенрик нарын Төр засгийн тэргүүнүүдэд зориулж барьсан хүндэтгэлийн зоогийн үеэр зохион байгуулагчид Монгол улсад хүндэтгэл үзүүлж байгаа нь харагдлаа.
Монгол Улсын Ерөнхийлөгч Ц.Элбэгдорж, Данийн угсаа залгамжлагч ханхүү Фредерикийн ширээнд суусан. Энэ ширээнд АНУ-ын Төрийн нарийн бичгийн дарга Х.Клинтон, Туркийн Ерөнхийлөгч А.Гуль, Японы Ерөнхий сайд Хатаяма нар суулаа.
“Энэ нь Монгол Улс уур амьсгалын өөрчлөлтийн асуудлаар тодорхой байр суурь баримталж, үг хэлж, идэвхтэй байр сууринаас хандсанд хүндэтгэл үзүүлж байгаа хэрэг” гэдэг тайлбарыг зохион байгуулагчид өгсөн юм.
Хүлээн авалтын үеэр НҮБ- ын Ерөнхий нарийн бичгийн дарга Бан Ги Мүн, Францын Ерөнхийлөгч Н.Саркози, Британийн Ерөнхий сайд Г.Браун нартай уулзаж ярилцав. Мөн Люксембургийн Ерөнхий сайд Жан Клод Юнкер МУ- ын Ерөнхийлөгчтэй хуучин танилын ёсоор уулзсан байна. Тэрээр Ерөнхийлөгч Ц.Элбэгдоржийг, Ерөнхий сайд байхад урилгаар нь манай улсад айлчилж байсан юм.
