Ерөнхийлөгч Ц.Элбэгдоржтой Европын Комиссын Ерөнхийлөгч Ж.М.Барросо утсаар ярилаа
Монгол Улсын Ерөнхийлөгч Цахиагийн Элбэгдоржийн урилгаар энэ сарын 23,24–ний өдрүүдэд Монгол Улсад албан ёсны айлчлал хийхээр төлөвлөж байсан Европын холбооны Комиссын Ерөнхийлөгч Эрхэмсэг ноён Жозе Мануел Барросо Кипрыг тойрсон Европын холбооны хямрал гэнэт гүнзгийрсэнтэй холбогдуулан айлчлалаа хойшлуулсан байна.
Тэрээр Монголруу нисэх замдаа буюу ОХУ-ын нийслэл Москва хотоос буцаж, айчлалыг тодорхой хугацаагаар хойшлуулах болсон тухайгаа Ерөнхийлөгч Цахиагийн Элбэгдоржтой утсаар холбогдон хэлж уучлал хүссэн байна.
Ноён Барросо нь Монгол Улсад айлчлах энэхүү айлчлалынхаа дараа Япон Улсад болох Европын холбоо Японы чуулга уулзалтад оролцохоор төлөвлөөд байсан юм.
Ерөнхийлөгч Ц.Элбэгдоржтой Европын Комиссын Ерөнхийлөгч Ж.М.Барросо утсаар ярилаа
