АНУ-д суралцах сэтгүүлчдийг бүртгэж эхэллээ
Монгол Улсын Ерөнхийлөгчийн Тамгын газраас санаачлан Монголын хэвлэл, мэдээллийн байгууллагуудын сэтгүүлчдийг нэг сарын хугацаагаар АНУ-д явуулж англи хэлний мэдлэг, сэтгүүлчийн мэргэжил дээшлүүлэх сургалтад хамруулж байгаа билээ. Уг сургалтыг Олон улсын боловсролын Америк дахь консул /American Councils for international education/ байгууллагын хөтөлбөрийн дагуу явуулж байгааюм. Олон улсын боловсролын Америк дахь консул нь АНУ-ын Вашингтон хотод байрлах олон улсын ашгийн бус байгууллага бөгөөд дэлхийн 25 улсад салбартай, “Мэдлэг боловсролтой, өрсөлдөх чадвартай боловсон хүчнийг дэлхий дахинд бэлтгэх”уриатай ажилладаг газар юм.
Өмнө нь хоёр удаагийн сургалтад телевиз, сонин, сайтын 30 гаруй сэтгүүлчийг хамруулаад байна. Эхний ээлжийн сургалтад хамрагдсан сэтгүүлчид АНУ-ын Ерөнхийлөгч Б.Обамагийн тангараг өргөх ёслолд оролцон мэдээ, сурвалжлага бэлтгэсэн бол хоёр дахь ээлжийн сургалтад хамрагдсан сэтгүүлчдээс Тарбозавр Батаар үлэг гүрвэлийн олдворыг Монголд шилжүүлэх арга хэмжээнд оролцон сурвалжилсан юм.
Гурав дахь ээлжийн сургалтад хамрагдах сэтгүүлчдийг өнөөдрөөс буюу тавдугаар сарын 28-наас зургадугаар сарын 7 хүртэл бүртгэхээр боллоо. Суралцах хүсэлтэй сэтгүүлчид Монгол Улсын Ерөнхийлөгчийн Тамгын газрын Олон нийттэй харилцах, мэдээлэл боловсруулах албанд бүртгүүлж шалгалтад хамрагдах юм байна. Харилцах утас: 265003
Бүртгүүлэх сэтгүүлчдэд дараахь шаардлагыг тавина.
Үүнд:
Байгуулагын албан хүсэлт, байгуулагын батлан даалт:
-Тухайн хэвлэл мэдээллийн байгууллага уг сургалтад хамруулахаар сэтгүүлчийг ил тод, шударга байдлаар тодруулсан гэсэн баталгаа болгож, хурлын протокол буюу холбогдох баримт материал хавсаргана.
-Гадаад паспортын хуулбар / 6 сараас доошгүй хүчинтэй хугацаатай /
- CV буюу анкет / англи хэл дээр /
-Эссэ / Сургалтад хамрагдсанаар хэлний ямар төвшинд хүрэх, АНУ-ын ямар байгуулага дээр очиж үйл ажиллагаатай нь танилцах хүсэлтэй, ямар мэдээ мэдээлэл АНУ-аас бэлтгэх талаар бичнэ/
-Дээдболовсролын дипломын хуулбар
-Сүүлийн 3 сарын дотор авахуулсан 3х4 хэмжээтэй 1 хувь цээж зураг
Бүртгүүлэхтэй болон шалгалттай холбоотой бичиг баримтыг хуурамчаар үйлдсэнтэй холбогдон үүсэх хариуцлагыг шалгуулагч өөрөө хүлээнэ.
АНУ-д суралцах сэтгүүлчдийг бүртгэж эхэллээ
