Бүгд Найрамдах Энэтхэг улсын Ерөнхийлөгч Пранаб Кумар Мукержи баяр хүргэж мэндчилгээ ирүүлэв
Эрхэм хүндэт Ерөнхийлөгч өө,
Монгол Улсын Ерөнхийлөгчөөр дахин сонгогдсон Тань чин сэтгэлийн баяр хүргэе.Энэтхэгийн ард түмэн, Засгийн газрын нэрийн өмнөөс Таны цаашдын ажил үйлсэд өндөр амжилт хүсэн ерөөе.
Монгол Энэтхэгийн ард түмэн соёл иргэншил, урлаг соёл болон шашин шүтлэгийн хувьд холбоотой хүмүүс. Таныг Ерөнхийлөгчөөр ажиллах хугацаанд манай хоёр улс Олон талт хамтын ажиллагааг өргөжүүлж чадсан. Бидний хамтын ажиллагаа тасралтгүй хөгжиж, шинэ чиглэл салбарт өргөжсөөр байна. Мөн манай хоёр улсын эдийн засаг, худалдааны харилцаа цаашид өргөжих хандлагатай байгаад би сэтгэл хангалуун байдаг.
Таны алсын хараа, үүрэг оролцоотой Монгол Энэтхэгийн харилцаа ойрын жилүүдэд улам илүү эрчимтэй хөгжинө гэдэгт итгэлтэй байна. Та цаашид Ерөнхийлөгчөөр ажиллах хугацаандаа хоёр улсын ард иргэдийн ашиг тусын төлөө Олон талт хамтын ажиллагааг улам бүр хөгжүүлнэ гэдэгт итгэж байна.
Таныг Шинэ Дели хотод айлчлан ирж, хоёр улсын харилцаа хамтын ажиллагааг өргөжүүлэх асуудлаар ярилцахыг урьж байна.
Эрхэм Ерөнхийлөгч танд эрүүл энх, аз жаргал, хамгийн сайн сайхан бүхнийг хүсэн ерөөж байгааг минь хүлээн авна уу.
Хүндэтгэсэн
Пранаб Кумар Мукержи
Бүгд Найрамдах Энэтхэг улсын Ерөнхийлөгч
2013 оны долдугаар сарын 4
Бүгд Найрамдах Энэтхэг улсын Ерөнхийлөгч Пранаб Кумар Мукержи баяр хүргэж мэндчилгээ ирүүлэв
