Эрхэм хүндэт хатагтай ноёд оо,
Олон тооны урилга ярилцлага, мэтгэлцээнүүдээс дүгнэн харахад улс төрийн түүхэн өөрчлөлтүүдийн 20 жилийн ой дэлхий дахины сонирхлыг ихэд татжээ. Мөн өнөөгийн нөхцөл байдал маань тухайн үеийн сэтгэл хөөрлөөс хэр их хол байгаа нь энэхүү сонирхлыг бүр ч илүү хүчтэй болгож байна. Төв болон Зүүн Европын орнуудад тоталитар дэглэмүүд нуран унасны дараа дэлхий дахины улстөрийн газар зүйн зураглал үндсээрээ өөрчлөгдсөн билээ.
Улаанбаатар хотод 20 жилийн тэртээ өрнөсөн үйл явдуулд нь тухайн үед дэлхий дахиныг хамарсан нийгмийн хөдөлгөөнүүдийн салшгүй нэгэн хэсэг байсан бөгөөд, энэхүү хөдөлгөөн нь танай оронд өөрийн тусгаар тогтнол, соёл хэл, шашин шүтлэг зэрэг, товчоор хэлбэл, монгол түмний соёлын түүхэн язгуурыг илтгэсэн бүхнийгээ шинэчлэн сэргээх боломжийг олгосон билээ.
Өнгөрсөн 20 жилийн явцад энэхүү боломжийг ашиглаж чадсан эсэхээ зөвхөн та бүгд л дүгнэх бөгөөд ийнхүү дүгнэн цэгнэх үйл ажиллагаа явагдаж байгаад миний бие баяртай байна. Ямартай ч ирэх 20 жил Монгол Улсын хувьд соёлын болон эдийн засгийн хөгжил цэцэглэлтийн үе байсан гэж дүгнэж болох тийм үе ирэхийг хүсэн ерөөе.
