Монгол Улсын Ерөнхийлөгчийн Хүний эрх, иргэний оролцооны бодлогын зөвлөх Ч.Сосормааг Канадын Амбан захирагчийн Тамгын газрын дэд дарга хатагтай Патрисиа Жетон энэ сарын 3-нд хүлээн авч уулзлаа.
Монгол Улсын төрийн албан шинэтгэлийн хүрээнд Канадын ОУХА-ийн шугмаар манай оронд хэрэгжүүлж буй Төрийн албаны шинэтгэлийн тухай төслийн үйл явц, цаашид авч хэрэгжүүлэх үйл ажиллагааны талаар болон хоёр орны Төрийн албан зөвлөлийн хамтын ажиллагааг бэхжүүлэх, Канадын Нийтийн албаны бүтэц, залгаж чанар, сонгон шалгаруулалтын зарчмаас туршлага судлах, манай төрийн албан хаагчдийн чадавхийг бэхжүүлэх, сайн засаглал, улс төрөөс ангид нийтийн албыг төлөвшүүлэх, иргэний оролцоонд суурилсан төрийн бүтцийг бий болгох талаар санал солилцож ярилцлаа.
Уулзалтад Монгол Улсаас Канад Улсад суугаа Онц бөгөөд Бүрэн эрхт Элчин сайд Т.Залаа-Уул, Канадын Гадаад хэрэг, худалдаа, хөгжлийн яамны Умард азийн товчооны Ерөнхий захирал ноён Грахам Шанц, Канадын Нийтийн Албаны Комиссын дарга асан, Канадын ОУХА-аас Монгол Улсад хэрэгжүүлж буй төрийн албыг шинэчлэх төслийн удирдагч хатагтай Мариа Баррадос нар байлцав.
